Xəbərlər

28 aprel – Ümumdünya Əməyin Mühafizəsi Günü ilə əlaqədar maarifləndirci tədbir.

28 aprel – Ümumdünya Əməyin Mühafizəsi Günü münasibətilə Binəqədi rayonu 135 nömrəli tam orta məktəbdə maarifləndirici tədbir keçirildi.

Tədbir Beynəlxalq Əmək Təşkilatının 2026-cı il üçün elan etdiyi “Sağlam psixososial iş mühitinin yaradılmasını təmin edək!” devizinə həsr olunub. Tədbirin əsas məqsədi təhsil müəssisələrində əməyin mühafizəsi sahəsində maarifləndirmə səviyyəsinin artırılması, sağlam və təhlükəsiz iş mühitinin təşviqi, eləcə də psixososial risklərin azaldılması istiqamətində bilik və təcrübə mübadiləsinin təmin edilməsi olub.

Binəqədi Rayon Komitəsinin mühasibi Nuranə Hüseynova təhsil işçilərini salamlayaraq Ümumdünya Əməyin Mühafizəsi Gününün əhəmiyyətindən və təhsil müəssisələrində sağlam, təhlükəsiz əmək şəraitinin yaradılmasının vacibliyindən danışıb.

Daha sonra 135 nömrəli tam orta məktəbin psixoloqu Günay İbrahimli tərəfindən maarifləndirici təlim keçirilib. Təlimdə sağlam psixososial iş mühitinin yaradılmasını təmin edək devizi haqqında geniş məlumat verildi. Sağlam psixososial iş mühidinin yaradılması müəssisələrdə rəhbərliklə təhsil işçiləri arasında olan münasibətlərdə böyük rol oynayır. Bu münasibətlərin sağlam qurmaq təhsil işçisinin həm özü üçün həm müəssisə üçün vacibliyinidə qeyd etdi.

Tədbirdə məktəbin direktoru Şəfa Qurbanovada Əməyin Mühafizəsi mövzusu haqqında geniş çıxış etdi. Müəssisədə Əməyin Mühafisə mövzusunda il boyu məlumatlandırıcı tədbirlərdə təşkil olunur.

Bu cür tədbirlər təhsil müəssisələrində əməyin mühafizəsi mədəniyyətinin inkişafına, sağlam psixososial iş mühitinin formalaşdırılmasına və əmək münasibətlərində təhlükəsizlik standartlarının yüksəldilməsinə mühüm töhfə verir.

Ümummilli Lider Heydər Əliyevin 103-cü ildönümünə həsr olunmuş ümumtəhsil müəssisələrinin işçiləri arasında dama yarışı keçirildi.

Ümummilli lider Heydər Əliyevin anadan olmasının 103-cü ildönümünə həsr olunmuş ümumi təhsil müəssisələrinin işçiləri arasında dama yarışının I-ci mərhələsi keçirildi. Yarışın keçirilməsində əsas məqsəd Ümummilli liderin zəngin dövlətçilik irsinin təbliği, təhsil işçiləri arasında intellektual oyunlara marağın artırılması, asudə vaxtın səmərəli təşkili və sağlam rəqabət mühitinin formalaşdırılmasıdır. Bügün Binəqədi rayonunun bir neçə ümumi təhsil müəssisələrinin müəllimlərinin iştirakı ilə keçirilən yarış yüksək təşkilatçılıq və rəqabət dolu keçdi.

Yarışın qalibləri aşağıdakı kimi müəyyənləşdi:

🥇284 nömrəli tam orta məktəbin müəllimi Məcidova Gülər Etibar qızı

🥈284 nömrəli tam orta məktəbin müəllimi Ərəbov Müzəffər Aydın oğlu

🥉299 nömrəli məktəb-liseyin müəllimi Balayev Rəşad Ədalət oğlu

Qalibləri təbrik edirik!

Yubiley münasibəti ilə ittifaq üzvlərimizi təbrik etdik.

ETİHİ Binəqədi Rayon Komitəsi olaraq 50,60 və 65 illik yubiley münasibəti ilə ittifaq üzvlərimizi təbrik etdik.

Gənc nəslin müstəqil həyata hazırlanmasına göstərdikləri fədakar əməyə görə hər birinə təşəkkür edir uzun ömür can sağlığı arzulayırıq.

Ümummilli Lider Heydər Əliyevin 103-cü ildönümünə həsr olunmuş ümumtəhsil müəssisələrinin işçiləri arasında şahmat yarışı keçirildi.

Ümummilli lider Heydər Əliyevin anadan olmasının 103-cü ildönümünə həsr olunmuş ümumtəhsil müəssisələrinin işçiləri arasında şahmat yarışına start verilmişdir. Yarışın keçirilməsində əsas məqsəd Ümummilli liderin zəngin dövlətçilik irsinin təbliği, təhsil işçiləri arasında intellektual oyunlara marağın artırılması, asudə vaxtın səmərəli təşkili və sağlam rəqabət mühitinin formalaşdırılmasıdır. Bügün Binəqədi rayonunun bir neçə ümumi təhsil müəssisələrinin müəllimlərinin iştirakı ilə 284 nömrəli tam orta məktəbdə keçirilən yarış yüksək təşkilatçılıq və rəqabət dolu keçdi.

Yarışın qalibi:

🥇103 nömrəli tam orta məktəbin müəllimi Hüseynov Emil Aftandil oğlu

Qalibimizi təbrik edirik!

8 Mart - Beynəlxalq Qadınlar Günü münasibəti ilə qadın ittifaq üzvlərimizi təltif etdik

8 Mart - Beynəlxalq Qadınlar Günü münasibəti ilə ETİHİ Binəqədi Rayon Komitəsi olaraq qadın ittifaq üzvlərimizi qiymətli hədiyyə və fəxri fərmanla təltif etdik.

Elm və Təhsil İşçiləri Həmkarlar İttifaqı Binəqədi Rayon Komitəsi olaraq bütün xanımları 8 mart – Beynəlxalq Qadınlar Günü münasibətilə səmimi qəlbdən təbrik edir, möhkəm can sağlığı, ailə səadəti və fəaliyyətlərində uğurlar arzulayırıq.

2 Fevral Gənclər Günü ilə əlaqədar Binəqədi Rayon Komitəsinin gənc ittifaq üzvləri mükafatlandırıldı

2 Fevral - Azərbaycanda Gənclər Günüdür!

Elm və Təhsil İşçiləri Binəqədi Rayon Komitəsi olaraq bizdə gənc və fəal ittifaq üzvlərimizi fəxri fərman və qiymətli hədiyyə ilə təltif etdik. Gənclərin ölkəmizin inkişafındakı rolu və töhfələri hər zaman yüksək qiymətləndirilir. Onların təşəbbüs və bilikləri gələcəyimizin möhkəm təməlini qoyur.

Bizdə hər bir gənc təhsil işçisini təbrik edir onlara işlərində uğurlar arzulayırıq!

Binəqədi Rayon Komitəsində Ulu Öndər Heydər Əliyevin anadan olmasının 102-ci ildönümünə həsr olunmuş voleybol və mini futbol idman yarışlarının 2-ci yer qalibləri mükafatlandırıldılar.

Elm və Təhsil İşçiləri Həmkarlar İttifaqı Respublika Komitəsinin və Bakı Şəhər Təhsil İdarəsinin birgə təşkilatçılığı ilə Ulu Öndər Heydər Əliyevin anadan olmasının 102-ci ildönümünə həsr edilmiş yarışların şəhər mərhələsində Binəqədi Rayon Komitəsinin təhsil işçiləri mini futbol və voleybol üzrə 2-ci yerin qalibi oldular. Bu məqsədlə Binəqədi Rayon Komitəsində təqdimat tədbiri keçirildi.

Tədbirdə Binəqədi Rayon Komitəsinin sədri Zahir Həsənov qalibləri təbrik edərək , peşə fəaliyyətlərində uğurlar arzuladı. Sonda isə Elm və Təhsil İşçiləri Həmkarlar İttifaqı Respublika Komitəsi tərəfindən təqdim edilmiş diplom və medallar qaliblərə təqdim olunaraq xatirə şəkili çəkildi.

20 Yanvar – Ümumxalq Hüzn Günü ilə əlaqədar Binəqədi Rayon Komitəsinin ittifaq üzvləri Şəhidlər Xiyabanını ziyarət ediblər.

20 Yanvar – Ümumxalq Hüzn Günü ilə əlaqədar Elm və Təhsil İşçiləri Həmkarlar İttifaqı Binəqədi Rayon Komitəsinin ümumtəhsil müəssisələrinin ittifaq üzvləri Şəhidlər Xiyabanını ziyarət ediblər.

20 Yanvar hadisələri Azərbaycan tarixinin kədərli səhifəsi olmaqla yanaşı, xalqımızın müstəqillik və azadlıq uğrunda mübarizəsinin sarsılmaz iradəsinin rəmzidir. Vətənimizin istiqlalı yolunda canlarını fəda edərək şəhidlik zirvəsinə ucalan Azərbaycan xalqının mərd övladlarını dərin hörmət və ehtiramla yad edirik!

“Dünya Azərbaycanlılarının Həmrəyliyi Günü" münasibətilə fəal üzvlərimizi təltif etdik

ETİHİ Binəqədi Rayon Komitəsi olaraq gənc nəslin müstəqil həyata hazırlanmasında göstərdikləri şərəfli və fədakar əməyə, təlim-tərbiyə işində üzərinə düşən vəzifələri layiqincə yerinə yetirdiklərinə və müəssisədaxili fəaliyyətlərində göstərdikləri fədakar əməklərinə görə “Dünya Azərbaycanlılarının Həmrəyliyi Günü" münasibətilə fəal üzvlərimizi fəxri fərman və qiymətli hədiyyə ilə təltif etdik.

İttifaq üzvlərimizi ürəkdən təbrik edir, gələcək fəaliyyətlərində uğurlar arzulayırıq!

Binəqədi Rayon Komitəsində 31 Dekabr Dünya Azərbaycanlılarının Həmrəyliyi Günü və Yeni İl münasibəti ilə təhsil işçilərinə şənlik təşkil edilib

Elm və Təhsil İşçiləri Həmkarlar İttifaqı Binəqədi Rayon Komitəsinin təşkilatçılığı ilə Dünya Azərbaycanlılarının Həmrəyliyi Günü və Yeni il münasibəti ilə bayram tədbiri keçirildi. Tədbirdə şəhid ailələri, müharibə iştirakçıları, qazilər və ittifaq üzvlərimiz iştirak etdi.

Tədbirin açılışını ETİHİ Binəqədi Rayon Komitəsinin sədri Zahir Həsənov Ulu Öndər Heydər Əliyevin, Vətənimizin azadlığı və ərazi bütövlüyü uğrunda canlarından keçmiş şəhidlərin, eləcə də ötən ilin dekabr ayında “Azərbaycan Hava Yolları”na məxsus sərnişin təyyarəsinin qəzası zamanı həlak olanların ruhları bir dəqiqəlik sükutla yad edilib. Sonda isə tədbirdə iştirak edən ittifaq üzvlərinin qarşıdan gələn Dünya Azərbaycanlılarının Həmrəyliyi Günü və Yeni il münasibəti ilə təbrik edərək, işlərində müvəffəqiyətlər arzu etdi.

Vətən İdman Liseyinin ilk təşkilat sədri Güləbatın Əhmədovada çıxış edərək göstərilən diqqət və qayğıya görə təşəkkürünü bildirdi. Belə tədbirlər təhsil işçiləri arasında həmrəyliyi gücləndirməsi üçün çox gözəl təşəbbüsdür.

Təbdir musiqili rəqslərlə və xoş anlarla yadda qalan oldu.

Binəqədi Rayon Komitəsində yubileyi olan təhsil işçiləri təltif olundular

ETİHİ Binəqədi Rayon Komitəsinin ümumtəhsil və məktəbəqədər təhsil müəssisələrində fəaliyyət görsədən ittifaq üzvlərimizin 50,60 və 65 yaş yubileyi münasibəti ilə fəxri fərman və qiymətli hədiyyə ilə təltif etdik. Yubiley münasibəti ilə hər bir ittifaq üzvümüzü təbrik edir uzun ömür, can sağlığı arzulayırıq.

Binəqədi Rayon Komitəsində kollektiv müqavilələrin imzalanma prosesi başa çatdı

Elm və Təhsil İşçiləri Həmkarlar İttifaqı Binəqədi Rayon Komitəsinin nəzdində olan ümumtəhsil və məktəbəqədər təhsil müəssisələrinin rəhbərləri və ilk həmkarlar təşkilat sədrləri arasında 2025–2027-ci illəri əhatə edən Kollektiv müqavilə imzalanmışdır.

İmzalanmış Kollektiv müqavilə əmək münasibətlərinin tənzimlənməsi, işçilərin sosial müdafiəsinin gücləndirilməsi, təhlükəsiz və sağlam əmək şəraitinin yaradılması baxımından mühüm əhəmiyyət daşıyır.